“សណ្ឋាគារ អិលប៊ីអិន អេស៊ាន” ជាសណ្ឋាគារដ៏ទំនើបមួយក្នុងចំណោមសណ្ឋាគារធំៗទាំងអស់ដែលមាននៅក្នុងខេត្តកំពង់ចាម មានទីតាំងស្ថិតនៅផ្ទះលេខ១១ មហាវិថីព្រះសីហនុ ទីក្រុងកំពង់ចាម តាមបណ្តោយសួនលំអខាងមុខមាត់ទន្លេនៃវិថីព្រះសីហនុ ចម្ងាយ​៤៥០ម៉ែត្រ ពីស្ពានគីហ្សូណា មានបន្ទប់ស្នាក់នៅទាំងអស់ចំនូន ៩៩បន្ទប់។ សណ្ឋាគារ អិលប៊ីអិន អេស៊ានយើងខ្ញុំ គឺជាជម្រើសដ៏ល្អឥតខ្ចោះសម្រាប់ដំណើរកម្សាន្តបែបគ្រួសារ ឬទស្សនកិច្ចការងាររបស់លោកអ្នក ក៏ព្រោះតែសណ្ឋាគារយើងខ្ញុំមានផ្តល់ជូននូវសេវាកម្មដ៏ប្រសើរជាច្រើនប្រភេទដែលសមស្របជាមួយនឹងតម្រូវការរបស់លោកអ្នកមានដូចជា បន្ទប់ដ៏មានផាកសុកភាព និងស្រស់ស្អាតគួរឲ្យចង់ស្នាក់នៅ។ អាហារឆ្ងាញ់ៗ មានទាំងអាហារបែបខ្មែរ ប្រចាំតំបន់ និងអាហារបែបអឺរ៉ុប។ មានសាលប្រជុំដែលរៀបចំត្រឹមត្រូវតាមស្តង់ដា ស័ក្តិសម និងអាចបត់បែនបានគ្រប់ទំរង់សម្រាប់កម្មវិធីរបស់លោកអ្នក។ នៅជាន់ដំបូលខាងលើក៏មានSkybar ដ៏ធំទូលាយ ជាកន្លែងដែលលោកអ្នកអាចមកលម្ហែអារម្មណ៍ ស្រូបយកខ្យល់អាកាសបរិសុទ្ធ គយគន់ទេសភាពនាមាត់ទន្លេនៃខេត្តកំពង់ចាម ជាមួយមិត្តភក្តិ ក្រុមគ្រួសារ និងមនុស្សជាទីស្រលាញ់បានថែមទៀតផង។ និងជាពិសេនោះ សណ្ឋាគារយើងខ្ញុំ ក៏មានកន្លែងម៉ាស្សា ស្ប៉ា ស្ទីម សូណា និង KTV សុទ្ធសឹងតែជាកន្លែងដែលជួយឲ្យលោកអ្នកអាចលម្ហែអារម្មណ៍ បំបាត់អស់ភាពនឿយហត់បានផងដែរ។